Kadetter arasyndaǵy álem chempıonaty: Aıarý Qalysbek qola júldege ıe boldy
ASTANA. KAZINFORM — Polshanyń Belsko-Bıala qalasynda ótip jatqan karateden álem chempıonatynda Qazaqstan qorjynyna alǵashqy júlde tústi. Bul týraly Qazaqstan karate federatsııasynyń baspasóz qyzmeti habarlady.
Kadetter sanatynda kýmıte baǵdarlamasynda 61 kelige deıingi salmaqta otandasymyz Aıarý Qalysbek qola júlde ıelendi. Ol kishi fınalda serbııalyq Anastasııa Rýdınatsty aıqyn basymdyqpen utty. Esep 5-2 boldy.
Buǵan deıin Aıarý Qalysbek toptyq kezeńde Fınlıandııa, Albanııa jáne Ispanııa sportshysynan basym túsken bolatyn. Al shırek fınalda Japonııa ókili Koharý Satony 4-0 esebimen utty.
Keıin fınalǵa beriler joldamany Mıhaela Arkalenmen sarapqa saldy. Tartysty jekpe-jekte 3-6 esebimen amerıkalyq qarsylasy basym tústi.
Aıta keteıik, fınaldyq báseke jalǵasyp jatyr. Alda jasóspirimder sanatynda Ulttyq qurama sportshysy Suńqar Qanıbek altyn medal úshin talasady. Qarsylasy — Brodı Kallen (Shotlandııa).
Eske salaıyq, Shuǵyla Ómirbek álem chempıonatynda tarıhı medal jeńip alǵan bolatyn.
