Kadet korpýsyna túsýdi jas túlekterdiń kóbisi armandaıdy - QR QM
ASTANA. QazAqparat - 17-21 jas aralyǵyndaǵy 437 azamat, ıaǵnı kelisimshart jáne merzimdi áskerı qyzmettegi áskerı qyzmetshiler bıyl QR Qorǵanys mınıstrliginiń Kadet korpýsyna túsýdi josparlap otyr, dep jazady QR Qorǵanys mınıstrliginiń resmı saıtynda.
Olardyń 283-i BUT tapsyryp, 153-i keshendi testileýge daıyndyq ústinde. Aǵymdaǵy jyldyń 26 shildesine deıin 30 nemese odan joǵary ball jınaǵan úmitkerler irikteýdiń kelesi kezeńderinen ótý úshin Kadet korpýsyna jiberildi. Bastapqyda kásibı-psıhologııalyq irikteý, normatıvti dene daıarlyǵynan ótý, sodan keıin medıtsınalyq kýálandyrý, jas jaýyngerdiń kýrsy jáne sońǵy kásibı-psıhologııalyq irikteýden ótken sarbazdar oqý ornyna qabyldanady. Ár kezeńnen ótýge bir múmkindik beriledi. Sh.Ýálıhanov atyndaǵy QR QM Kadet korpýsy - kishi komandalyq quramdaǵy bilikti áskerı kadrlardy daıarlaıtyn oqý orny. Kadetterdi oqytý baǵdarlamasy eki jyldan turady. Birinshi kýrsta áskerı istiń negizderin jáne mamandyq boıynsha pánderdi zerdeleıdi, al ekinshi kýrsta - áskerı tájirıbe jınaqtaýǵa kirisedi. Oqýdy bitirgennen keıin kadettikterge «Áskerı basqarý» mamandyǵy boıynsha «Áskerı basqarýdyń kishi mamany» (menedjer)» biliktiligimen qosa 3-synypty jaıaý áskerler áskerı kóliginiń mehanık-júrgizýshisi jáne «V» jáne «S» sanattary boıynsha avtokólik júrgizýshisi kýáligi beriledi. Búgingi kúnge deıin oqý orny Qazaqstannyń Qarýly Kúshterine 2 200-den astam maman daıarlap shyǵardy. Qazirgi tańda túlekter túrli bólimder men bólimshelerde Qarýly Kúshterdiń bas serjantynan bastap bólimshe komandırlerine deıingi laýazymdarda áskerı qyzmetin sátti atqaryp keledi.
