Kádege jaratý tólemin 14 mamyrdan keıin jasaǵandardyń tólemi qaıta esepteledi

NUR-SULTAN.QazAqparat – Kádege jaratý tólemin 2022 jyldyń 14 mamyrynan keıin jasaǵandardyń tólemi qaıta esepteledi. Bul týraly QR Ekologııa, geologııa jáne tabıǵı resýrstar mınıstrliginiń Telegram kanalynan málim boldy, dep habarlaıdy QazAqparat.

QR Ekologııa, geologııa jáne tabıǵı resýrstar mınıstrligi kádege jaratý tóleminiń jańa mólsherlemeleriniń áreketine qatysty «Jasyl Damý» AQ konsýltatsııalar ótkizilgenin habarlady.

«QR Ekologııa, geologııa jáne tabıǵı resýrstar mınıstriniń mindetin atqarýshy 2022 jylǵy 29 sáýirdegi №138 buıryǵyna sáıkes kádege jaratý tóleminiń stavkalary 50%-ǵa tómendetildi, osy buıryq aǵymdaǵy jylǵy 14 mamyrdan bastap kúshine endi.

14 mamyrdan keıin burynǵy mólsherlemeler boıynsha kádege jaratý alymyn tóleý júzege asyrylǵan jaǵdaıda, «Jasyl damý» AQ qaıta esepteý júrgizedi jáne Qazaqstan Respýblıkasynyń qoldanystaǵy zańnamasyna sáıkes artyq tólengen somany qaıtarý júzege asyrylady.

Dáıeksiz aqparatqa boı aldyrmaýlaryńyzdy, kúmándi hattarǵa jaýap bermeýlerińizdi, tek resmı derekkózderdiń aqparattaryna nazar aýdarýlaryńyzdy suraımyz»,-delingen mınıstrliktiń habarlamasynda.