Kaddafıdiń uly ólim jazasyna kesildi
ASTANA. QazAqparat - Lıvııa soty burynǵy lıvııalyq kóshbasshy Mýammar Kaddafıdiń uly - Seıf al- Islamdy ólim jazasyna kesti. Bul týraly Al Arabiya telearnasynan habarlady.
Telearna aqparatynsha, lıvııalyq sot Lıvııanyń burynǵy basshysy Mýammar Kaddafıdiń uly - Seıf al-Islamdy, sonymen qatar Kaddafı basshylyq etken kezde joǵary laýazymdy sheneýnik bolǵan birqatar tulǵalardy atý jazasyna kesti.
Lıvııada Mýamar Kaddafı rejimine qarsy áreketter 2011 jyly aqpan aıyndaǵy «arab kóktemi» oqıǵalarynyń yqpalymen bastaldy. Naýryz aıynda 1973 jylǵy BUU QK qararyna sáıkes koalıtsııalyq kúshterdiń Lıvııaǵa qarsy áskerı operatsııasy bastaldy. 2011 jyly 20 qazanda Sırt qalasynyń mańynda Kaddafı qaza tapqan soń, Ótpeli ulttyq keńes Lıvııanyń onyń basqarýynan tolyqtaı bosaǵandyǵyn jarııalady.
