Kaddafıdiń uly bostandyqqa shyqty
ASTANA. QazAqparat - Lıvııanyń burynǵy kóshbasshysy Mýammar Kaddafıdiń uly Seıf al-Islam Kaddafı lıvııalyq Zıntan qalasyndaǵy túrmeden shyǵaryldy.
Bul týraly Zıntandaǵy "Abý Bakr as-Sıddık" qarýly tobynyń málimdemesinde aıtylǵan, dep habarlaıdy RIA Novostı.
Qujatta atap kórsetilgendeı, Kaddafıdiń uly «lıvııalyq parlament jarııalaǵan raqymshylyqqa» sáıkes bosatylǵan.
«Biz Seıf al Islama Mýammar Kaddafı myrzany bosatý týraly sheshim qabyldadyq. Ol tolyqtaı bosatyldy. Biz onyń 9 maýsymda Zıntandy tastap shyqqanyn rastaımyz»,-dep atap ótilgen málimdemede.
Djamahırııa kóshbasshysynyń týysy Ahmed Mýhareb al-Kaddafı de muny rastaıdy. Onyń aıtýynsha, «qazirgi ýaqytta Zıntandy tastap shyqty jáne qaýipsiz jerde».
2011 jyly Mýamar Kaddafıdiń rejimi qulaǵannan keıin kóterilisshiler onyń jáne týǵan-týystarynyń izine túsken edi. Olar Kaddafıdi, uly Mýatasemany óltirdi. Onyń taǵy bir uly Hamıs Trıpolı qalasyn bombylaý barysynda qaza tapty.
Seıf al-Islam lıvııalyq túrmege qamalyp, 2015 jyldyń shildesinde ólim jazasyna kesilgen bolatyn.
