Kaddafıdiń otbasy Aljırdi panalady
ASTANA. 30 tamyz. QazAqparat - Qýǵyndaǵy Mýammar Kaddafıdiń áıeli Sofııa, olardyń balalary Gannıbal men Mohammed, qyzy Aısha Aljırdi panalady.
Lenta.Ru agenttiginiń Aljır SІM málimdemesine silteme jasap habarlaýynsha, bul aqparatty APS agenttigi taratqan.
Mınıstrliktiń habaryna qaraǵanda, Kaddafıdiń zaıyby, onyń qyzy men balalary óz balalarymen lıvııa-aljır shekarasyn kesip ótip, Aljırge kelgen. Al Mýammar Kaddafıdiń ózine keletin bolsaq, onyń qaıda ekeni ázirge belgisiz.
Esterińizge sala keteıik, lıvııalyq oppozıtsııanyń joǵary shendi ókili Mahmud Shamam Kaddafı Trıpolıge kóterilisshiler shabýyl bastaǵannan keıin Aljırge qashyp ketti dep málimdegen bolatyn. Alaıda Aljır SІM bul aqparatty joqqa shyǵaryp otyr.
Aljır SІM shekarany eshqandaı avtokolonna kesip ótken joq dep atap kórsetti. Al Kaddafıdiń ózi Lıvııada aqyryna deıin bolatyny jóninde áldeneshe márte málimdegen bolatyn.
