Kaddafı ushaǵyn satý isi qarastyrylǵan sotta Saýd Arabııasynyń hanzadasy jeńildi
ASTANA. 1 tamyz. QazAqparat - Ulybrıtanııada ótken sotta álemdegi baı adamdardyń biri, Saýd Arabııasynyń hanzadasy ál-Valıd Bın Talal Lıvııanyń burynǵy kóshbasshysy Mýammar Kaddafıge áýe kemesin satý isi boıynsha jeńildi.
Bul týraly Bı-Bı-Sı jazady.
Iordanııalyq bıznesmen áıel Daad Sharab, «hanzada kelissózderdegi kómegi úshin 10 mln. AQSh dollary kóleminde ótemaqy tólemedi» dep sotqa aryzdanǵan. Boljam boıynsha ótemaqy týraly kelisim Londondaǵy meıramhanalardyń birinde jasalǵan.
Іshinde eki adamǵa arnalǵan kereýeti, teriden jasalǵan dıvany, djakýzııi bar Airbus A340 ushaǵy 2003 jyly lıvııalyq kóshbasshyǵa 120 mln. AQSh dollaryna satylǵan bolatyn.
Sýdıa hanzadanyń sóılegen sózin «aıanyshty» jáne «shym-shytyryq» dep retinde baǵalady. Saýd Arabııasy koroliniń jıeni Bın Talal sot sheshimine shaǵymdanýǵa nıetti.
