Kaddafı NATO kúshteri basyp kirgen jaǵdaıda qandy qaqtyǵys uıymdastyratynyna ýáde berdi
ASTANA. 3 naýryz. QazAqparat - Mýamar Kaddafı memlekettik laýazymy joq bolǵandyqtan otstavkaǵa ketpeıtinin taǵy da aıtty. Ol NATO kúshteri basyp kirgen jaǵdaıda qandy qaqtyǵys uıymdastyratynyna da ýáde berdi, dep jazady Vestı.Rý.
Lıvııa basshysy kóteriliske shyqqandarǵa qarýlaryn tastaýǵa shaqyryp, raqymshylyq jarııalaıtynyn aıtty. Sonymen qatar Kaddafı halyqaralyq qaýymdastyqqa úndeý joldap, basyp kirýden bas tartýǵa shaqyrdy. Lıvııa basshysynyń aıtýynsha, eger áskerıler basyp kiretin bolsa, Lıvııa halqy óz jerin barynsha qorǵaıtyn bolady.
«Osy kúnderi meniń atym shetelde jıi atalyp júr. Bul - kúlkili jaıt. Men 1969 jyly tóńkeris jasap, bılikti halyqqa bergenmin. Eshqandaı ishki nemese syrtqy saıasat halyqtyń maquldaýynsyz júzege asyrylmaıdy. Eger AQSh nemese NATO ásker kirgizetin bolsa, qandy soǵys bastalyp, myńdaǵan lıvııalyqtar qurban bolady», - dedi M.Kaddafı.
Osy aptanyń basynda AQSh pen NATO Lıvııadaǵy ahýal damýynyń barlyq nusqasyn, sonyń ishinde, áskerı basyp kirýdi de qarastyryp jatqanyn jarııalady. Pentagon áskerı kemelerdiń Jerorta teńizi aımaǵynan aýystyrylǵanyn jetkizdi. Ulybrıtanııa Lıvııa aspanyna Koroldik Áskerı áýe kúshterin engizýge daıyn ekenin aıtqan bolatyn.
