Qadam bassań, barlyq jerde toı: Túrkistan oblysynda 400-ge jýyq toı jasalǵan
Epıdemıologııalyq tekserýler barysynda ınfektsııanyń boljamdy juqtyrý kózderi anyqtaldy.
Oǵan sáıkes, qaýipti keseldi juqtyrǵandardyń 75%-ǵa jýyǵy vırýsty merekelik, otbasylyq sharalar kezinde, kópshilik oryndarda COVID-19 koronavırýsty ınfektsııasyn juqtyrǵan.
Oblys aýmaǵynda aýdandyq, qalalyq ákimdigi janynan qurylǵan 127 mobıldi top tarapynan júrgizilgen monıtorıng jumysynyń tıimdiligi kúrt tómendegen.
«Qaıtadan beleń alyp bara jatyr aýrý. Monıtorıng emes, tekserýdi kúsheıtý kerek. Kórip otyrmyn, keı aýdandarda aıqaılap turyp toı jasap jatyr. Betashary bolsyn, basqasy bolsyn. Qadam bassań, barlyq jerde toı bolyp jatyr. Eldegi epıdemıologııalyq jaǵdaıdy bile tura, toı jasaǵandardy toqtatý kerek»,-dedi Ómirzaq Shókeev.
Óńirdegi epıdemıologııalyq ahýal baıandalǵan kezekti aptalyq apparat otyrysynda sońǵy kórsetkishter ortaǵa salyndy.
Kórsetkishter kóńil kónshitpeıdi. Osyǵan oraı barlyq aýdan, qala ákimderi qatań synǵa ushyrady.
Eldegi epıdemıologııalyq ahýaldy bile tura, sanıtarlyq talaptardyń saqtalýyn baqylaý maqsatynda tynymsyz júrgizilip kele jatqan tekserýlerdi elemegenderge jaza, jaýapty basshylarǵa shara qoldanylmaq.
Mamyr aıynan beri KVI-men aýrý/baılanysta bolǵan úı karantındik rejımin saqtaýy tıis 35 adamnyń Ashyq baǵdarlamasymen jumys isteıtin nysandarǵa barǵany anyqtaldy.
Onyń ishinde 9 - «qyzyl», 26 - «sary» statýstaǵylar. Aýmaqtyq SEB basqarmalary tarapynan 31 adamǵa qaýly shyǵarylyp, eskertý berildi.
Mobıldi toptar jáne polıtsııa qyzmetkerleri tarapynan SEB basqarmalaryna 4 myńǵa jýyq baıanat tústi.
Onyń ishinde 3 myńǵa jýyǵyna ákimshilik hattama toltyrylyp, 160 mln teńge aıyppul salyndy.
Karantın rejımin buzǵan 31 nysannyń jumysyn toqtatý boıynsha talap aryzdar sotqa ótkizildi.
Sottyń sheshimimen 16 nysannyń jumys toqtatyldy. Qalǵan 15 talap aryz boıynsha materıaldar sotta qaralyp jatyr.
