Kachınskııdiń ushaǵy ekıpajdyń kinásinen apatqa ushyrady
ASTANA. 13 qańtar. QazAqparat - 2010 jyldyń sáýirinde Smolenskide qulaǵan, Polsha Prezıdenti Leh Kachınskııdiń ushaǵy psıhologııalyq qysym jaǵdaıynda qolaısyz aýa raıynda qonýǵa sheshim qabyldaǵan ekıpajdyń kinásinen apatqa ushyrady.
Qaıǵyly oqıǵa saldaryn zertteýmen aınalysqan Memleketaralyq avıatsııalyq komıtet mamandary osyndaı qorytyndyǵa kelip otyr. Jýrnalısterge MAK tóraıymy Tatıana Anodına men Tehnıkalyq komıssııanyń basshysy Alekseı Morozov vedomstvonyń qorytyndy baıandamasyn jasady, dep habarlaıdy ITAR-TASS.
"Áýe apatynyń tikeleı sebebi qolaısyz aýa raıy kezinde ekıpajdyń qosalqy aerodromǵa ketý týraly der kezinde sheshim qabyldamaýy bolyp tabylady, - dep habarlady Anodına. - Ushaq jer betindegi baǵdarlar kórinbeıtindeı jaǵdaıda tómendegen. Ol apatqa alyp kelgen".
