Qabyldanǵan zańdardyń tıimdiligi 5 jyl ishinde baǵalanady
Natalıa Pannyń aıtýynsha, «Qazaqstan Respýblıkasynyń keıbir zańnamalyq aktilerine normashyǵarmashylyqty jetildirý máseleleri boıynsha ózgerister men tolyqtyrýlar engizý týraly» 12 naýryzdaǵy Zańmen memlekettik organdardyń zań qabyldanǵannan keıin bes jyl ishinde onyń tıimdiligin qadaǵalaý mindeti belgilengen.
«Ol úshin Konsýltatıvtik qujatty ázirleý satysynda ázirleýshi organ zań qabyldanǵannan keıin qol jetkizgisi keletin naqty ındıkatorlardy aıqyndaýǵa tıis. Keıinnen zań qabyldanǵannan keıin ázirleýshi organ jyl saıyn bes jyl ishinde Ádilet mınıstrligine, al odan ári Premer-Mınıstrdiń Keńsesine kepilge salynǵan nysanaly ındıkatorlarǵa qol jetkizý týraly esep beredi. Budan basqa, onda jańa quqyqtyq retteýdiń naqty oń nemese teris salystyrmaly nátıjeleri, sondaı-aq zań qabyldaý nátıjesinde týyndaıtyn saldarlardy baǵalaý keltiriledi», - dedi Ádilet vıtse-mınıstri Ortalyq kommýnıkatsııalar qyzmetindegi baspasóz máslıhaty barysynda.
