Qabyldanǵan sharalar baǵanyń ósýin tejeýge oń yqpal etýi tıis – Premer-Mınıstr
Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi.
«Qazirgi kúrdeli kezeńde elimizdiń azyq-túlik qaýipsizdigin qamtamasyz etýdiń mańyzy zor. Memleket basshysy egis naýqanyn erekshe baqylaýǵa alýdy tapsyrdy. Aýyl sharýashylyǵy mınıstrligi Kóktemgi egis jumystaryn júrgizý jónindegi jedel shtabta sharýalardy tuqymmen, tyńaıtqyshtarmen, janar-jaǵarmaımen, tehnıkamen jáne sýmen qamtamasyz etýge kúndelikti monıtorıng júrgizýi tıis», - dedi Á. Smaıylov.
Sonymen qatar Úkimet basshysy turaqtandyrý qorlaryna aýyl sharýashylyǵy ónimderin satyp alý úshin forvardtyq kelisimsharttardy ýaqytyly bekitý boıynsha ákimdikterdiń jumysyn úılestirýdi tapsyrdy.
«Barlyq qabyldanǵan sharalar baǵanyń ósýin tejeýge oń yqpal etýi tıis. Halqymyz bizden osyny kútip otyr», - dedi Premer-Mınıstr.
