Qabyldanǵan qujattar TMD keńistigindegi yntymaqtastyqty damytýǵa qyzmet etetini sózsiz - Toqaev

ASTANA. QazAqparat – Elordada Memleket basshysy Qasym-Jomart Toqaevtyń tóraǵalyǵymen ótken TMD-ǵa múshe elder basshylarynyń keńeıtilgen otyrysynda birqatar qujattar qabyldandy, dep habarlaıdy QazAqparat tilshisi.

«Qurmetti áriptester, qalǵan qujattar kelisiminiń joǵary dárejede ekenin eskersek, qosymsha talqylaýdy qajet etpeıdi dep sheshtik. Sondyqtan, atqarý komıtetine qujattarǵa qol qoıý rásimine kirisýdi usynamyn.

Bizdiń otyrysymyz nátıjeli boldy dep aıtýǵa tolyq negiz bar. Delegatsııa basshylary qujattardy qabyldaýdan bólek, TMD sheńberindegi kóp josparly ózara is-qımyldyń keń aýqymy jáne halyqaralyq kún tártibi boıynsha óte paıdaly pikirtalas ótkizdi. Bul rette aıtylǵan syndarly usynystar men qabyldanǵan qujattar TMD keńistigindegi yntymaqtastyqty odan ári damytýǵa jáne jetildirýge qyzmet etetini sózsiz. Bul bizdiń ortaq maqsattarymyzǵa saı keledi», - dedi Qasym-Jomart Toqaev.

Sondaı-aq, keńes tóraǵasy atalǵan jıyndy uıymdastyrýshylarǵa alǵys aıtty.

«Atqarý komıtetiniń qyzmetkerlerine, bizdiń sarapshylarǵa, memleket basshylary keńesiniń otyrysyn daıyndaýǵa jáne ótkizýge tikeleı qatysqan TMD-nyń barlyq organdaryna birlesken jumysy úshin alǵysymdy bildiremin. Memleket basshylary keńesiniń otyrysy jabyq dep jarııalaımyn», - dedi Q. Toqaev.

Aıta keteıik, Astanada TMD memleketteri basshylary keńesiniń otyrysy ótti.