Qabylannyń ermeginen mektepter men kolledjder jabyldy
ASTANA. QazAqparat - Úndistandyq Ýttar-Pradesh shtatynyń eldi mekenderiniń birinde qabylan jergilikti aýrýhanaǵa kirip, emdelýshilerdi ábigerge saldy. Keıin bul jyrtqysh ań kınoteatr men turǵyn úıdiń ishinde jaıǵasqan.
Jergilikti bılik ókilderiniń sózine qaraǵanda, janýardy ustap alý múmkin bolmaı tur jáne ol áli de úı-jaılardyń arasynan shyqpaǵan.
Taratylǵan fotosýretterge qaraǵanda qabylan bir nysannan ekinshisine sekirip, jergilikti turǵyndardy shoshytyp júr. Belgili bolǵandaı, osy oqıǵa saldarynan kem degende bir adam jaraqat alǵan.
Qazirgi kezde jyrtqysh ań júrgen aýmaqty áskerıler qorshaýǵa alyp, barlyq mektepter men kolledjder, sondaı-aq qaladaǵy bazarlar bir kúnge jabylǵan kórinedi.
