Qabylan Nepal áýejaıynyń jumysyn toqtatty
ASTANA. QazAqparat - Ushý-qoný jolaǵyna shyǵyp ketken qabylannyń kesirinen tutas Nepal halyqaralyq áýejaıynyń jumysy ýaqytsha toqtatyldy, dep habarlady RIA Novostı.
Dúısenbi kúni tańerteń Nepal astanasy Katmandý qalasyndaǵy Trıbhývan áýejaıy ushý-qoný jolaǵyna jyrtqysh ańnyń shyǵyp ketýi sebepti jabyldy. Jedel túrde oqıǵa ornyna polıtseıler men ormanshylar keldi jáne jarty saǵatta áýejaı jumysy qalpyna keltirildi.
Áýe aılaǵynyń soltústigi ormanmen qorshalǵan. Jyrtqysh ań izdestirilýde.
