Qabylan 7 jasar balaǵa shabýyl jasady
ASTANA. 15 qazan. QazAqparat - Máseýdegi Domodedovada tsırktiń qabylany 7 jasar balaǵa shabýyl jasady, zardap shekken sábı qazir Fılatov atyndaǵy qalalyq aýrýhananyń jansaqtaý bóliminde jatyr,
dep habarlady Ýtro. rý.
Bul oqıǵa 13 qazanda keshki ýaqytta boldy. Kóshpeli tsırk jergilikti mádenıet saraıynda óner kórsetken. Shoý aıaqtalǵan soń 7 jasar bala qyzyqtap qabylan oıqastap júrgen bólmege kirgen kórinedi. Taǵy ań oǵan bas salǵan. Áıteýir jyrtqyshtyń úıretýshisi qabylanmen alysyp júrip sábıdi ajal aýzynan alyp qalypty.
Balaǵa operatsııa jasaldy, jaǵdaıy aýyr. Dárigerlerdiń aıtýynsha, taǵy da ota jasalýy qajet.
