Kabýlge ushqyshsyz ushatyn zymyran qulap, 9 adam mert boldy

NUR-SULTAN. QazAqparat – Amerıka áskerıleri jeksenbi kúni Kabýldaǵy jarylystyń ushqyshsyz ushatyn zymyrannyń jarylǵysh zat ornatylǵan kólikke soqtyǵysýy saldarynan bolǵanyn rastady. Kóliktiń ishinde «Islam memleketi» tobynyń aýǵan bólimshesindegi jankeshti lańkesi bolǵan, dep habarlaıdy QazAqparat VVS silteme jasap.

Buǵan deıin amerıkalyq áskerıler Kabýl áýejaıyna taǵy da shabýyl jasalýy múmkin ekenin eskertken edi. Olardyń málimetinshe, kólikke mingen jankeshti kezekti terakti júzege asyrmaq bolǵan. Beısenbi kúni jarylys saldarynan 170 adam qaza tapty.

AQSh Ortalyq qolbasshylyq ókili Bıll Ýrbannyń habarlaýynsha, Pentagon zymyran saldarynan beıbit turǵyndardyń kóz jumýy týraly habardy tekserip jatyr.

CNN habaralaýynsha, jeksenbi kúni jarylys saldarynan toǵyz adam, sonyń ishinde alty bala qaza tapqan. Olardyń bári bir otbasy músheleri.

Batys elderi Aýǵanstannan óz adamdaryn evakýatsııalap jatyr. 31 tamyzda NATO elderiniń áskerıleri bul memleketten ketýi tıis.

Dúısenbi kúni tańerteń Kabýl áýejaıyna qaraı bes zymyran ushyrylǵan, olardy AQSh zymyranǵa qarsy qorǵanys júıesi ustap qalǵan.