Kabýldyń ortalyǵynda jarylys boldy
ASTANA. 9 naýryz. QazAqparat - Kabýl qalasynyń ortalyǵynda, Aýǵanstan Qorǵanys mınıstrliginiń ǵımaratyna jaqyn jerde jarylys boldy. Bul týraly jergilikti quqyq qorǵaý organdarynyń ókilderi habarlady, dep jazady ITAR-TASS.
Qolda bar málimetter boıynsha, mınıstrlik ǵımaratynyń qaqpasyna qarama qarsy jerde lańkes mınalanǵan kólikti jaryp jiberdi. Qaza tapqandar men zardap shekkender týraly ázirshe habarlanbaıdy.
Oqıǵa AQSh Qorǵanys mınıstri Chak Heıgeldiń Aýǵanstanǵa sapary kezinde boldy. Aýǵanstandaǵy qaýipsizdikke qoldaý jónindegi Halyqaralyq kúshter ókiliniń aıtýynsha, jarylys kezinde Pentagon basshysy basqa jerde boldy.
Heıgel Kabýlǵa 8 naýryz kúni kelip, munda Aýǵanstan Prezıdenti Hamıd Karzaımen jáne Aýǵanstandaǵy qaýipsizdikke kómektesý boıynsha Halyqaralyq kúshter komandovanıesimen kelissózder ótkizbekshi boldy.
