Kabýldegi BUU mıssııasyna jasalǵan shabýyldyń saldarynan 12 adam oqqa ushty
ASTANA. Qazannyń 28-i. QazAqparat - Kabýldegi BUU mıssııasynyń ǵımaratyna tálibter jasaǵan shabýyl barysynda 12 adam qaza tapty:
atap aıtqanda, mıssııanyń alty qyzmetkeri, eki kúzetshi, bir beıbit aýǵandyq jáne shabýyldaýshy úsh adam oqqa ushty. Bul týraly AFP agenttigi habarlady. Buǵan deıingi aqparattarda tek BUU mıssııasynyń alty qyzmetkeriniń qazasy týraly ǵana aıtylǵan bolatyn.
Mıssııanyń 9 qyzmetkeri jaralanǵan. Mert bolǵandar men zardap shekkenderdiń azamattyqtary týraly ázirge eshteńe aıtylmaı otyr. Al óltirilgen tálibterdiń deneleri saraptamaǵa jiberildi. Oqıǵa kýágerleriniń aıtýynsha, ǵımaratqa shabýyl jasaǵan sodyrlar polıtsııa formasynda bolǵan.
Lańkester Kabýldegi prezıdenttik saraıǵa granata laqtyrǵan, biraq jarylystyń saldarynan eshkim zardap shekpegen. Sondaı-aq sheteldikter turatyn Serena qonaqúıine de snarıad atylǵan, biraq ol jarylmaı qalǵan. BUU ókili Edrıan Edvardstyń habarlaýynsha, oryn alǵan oqıǵanyń mıssııanyń jumysyna tıgizip otyrǵan áserin baǵalaý kerek.
«Talıban» ókilderi buqaralyq aqparat quraldaryna, lańkestik áreketterdi prezıdenttik saılaýdyń ekinshi týrynyń qarsańynda jasalǵanyn málim etken. Sodyrlar saılaýǵa kedergi keltirmek: saılaýdyń birinshi kezeńi ótken kúni elde 140 shaqty lańkestik áreket jasalǵan bolatyn. Tálibter jańa lańkestik áreketter jasaımyz dep, ókimetke qoqan-loqqy jasap otyr.
