Kabýldaǵy jarylystar: 20 adam qaza tapty
ASTANA. QazAqparat - Aýǵanstan astanasy Kabýldyń batysynda bolǵan eki jarylys saldarynan 20 adam qaza taýyp, 70-i jaraqattandy. Bul týraly eldiń Іshki ister mınıstrliginiń ókili Nasrat Rahımı málim etti, dep habarlaıdy QazAqparat Anadolý agenttigine silteme jasap.
Onyń aıtýynsha, birinshi jarylys sheıitter turatyn Dashtı Barchı kvartalynda jekpe-jek klýbynda bolǵan. Jarylǵysh qurylǵyny jankeshti-lańkes iske qosqan.
Ekinshi shabýyldy oqıǵa ornyna kelgen tilshiler tobynyń arasyna engen terrorıst jasaǵan.
Rahımı qaza tapqandar men zardap shekkenderdiń arasynda BAQ ókilderiniń bolǵanyn atap ótti.
Lańkestik áreketter úshin jaýapkershilikti ázirge eshkim moınyna alǵan joq.
