Kabýldaǵy jarylystan qaza tapqandar sany 80 adamǵa jetti
ASTANA. QazAqparat - Aýǵanstannyń astanasy Kabýlda bolǵan jarylys saldarynan qaza tapqandar sany 80 adam boldy, sondaı-aq 231 adam zardap shekken, dep habarlaıdy Aýǵanstan Іshki ister mınıstrligine silteme jasap Lenta.rý.
Vedomstvo málimetinshe, shabýyldy 3 lańkes uıymdastyrmaq bolǵan. Alaıda biriniń jarylǵyshy iske qosylmaı qalady. Al úshinshisin kúsh qurylymdary atyp óltirgen. ІІM sonymen birge qaza tapqandar men zardap shekkender arasynda kúsh qurylymdarynyń qyzmetkerleri bar ekenin atap ótti. Olar ereýil kezinde oqıǵa ornynda bolǵan.
Buǵan deıin habarlaǵandaı, QR Syrtqy ister mınıstrligi Kabýldaǵy qazaqstandyqtar týraly málimetterdi tekserip jatyr.
«Qazirgi kezde Syrtqy ister mınıstrligi men Kabýldaǵy Qazaqstan elshiligi Aýǵanstannyń quqyqqorǵaý organdarymen baılanysqa shyǵyp, Kabýldaǵy terakt kezinde zardap shekken Qazaqstan azamattary bar-joǵyn anyqtaýda», - dep habarlady QR SІM baspasóz qyzmetiniń jetekshisi Ánýar Jaınaqov.
