Kabýldaǵy jarylystan qaza tapqandar sany 40-tan asty
ASTANA. QazAqparat - Senbi kúni Aýǵanstan astanasyndaǵy úkimet kvartalyna jaqyn mańda bolǵan jarylys saldarynan qaza tapqandardyń sany 40-tan asty, taǵy 140 adam zardap shekken. Bul jaıly Aýǵanstannyń «1 TV» telearnasyna silteme jasap reseılik TASS agenttigi habarlady.
Arnanyń habaryna qaraǵanda, Ulttyq qaýipsizdik dırektsııasy men Úndistan elshiligi ǵımarattaryna jaqyn jerde bolǵan. Jankeshti lańkes jarylǵysh zat qoıylǵan jedel járdem mashınasyn jarǵan.
Pajhwok agenttiginiń málimetinshe, bolǵan oqıǵaǵa jaýapkershilikti «Talıban» (QR aýmaǵynda tyıym salynǵan) qozǵalysy alǵan.
Buryn, 20 qańtar kúni qarýly adamdar toby Aýǵanstan astanasyndaǵy sheteldikter arasynda tanymal Intercontinental Hotel qonaqúıine shabýyl jasaǵan. «QazAqparat» HAA sol shabýylda Qazaqstannyń bir azamaty qaza tapqanyn habarlaǵan bolatyn.
