Kabýldaǵy jarylys qurbandarynyń sany 53 adamǵa jetti
KABÝL. SINЬHÝA - QazAqparat - Kabýldyń batysyndaǵy juma kúngi lańkestik shabýyldan qurban bolǵandardyń sany 53 adamǵa jetti. Bul týraly dúısenbide BUU-nyń Aýǵanstanǵa járdemdesý mıssııasy málim etti, dep habarlaıdy QazAqparat Sınhýa agenttigine silteme jasap.
«Kabýldaǵy Hazar oramyndaǵy oqý ortalyǵynda bolǵan jarylystan qaza tapqandar sany artyp keledi. Olardyń sany 53 adamǵa jetti, onyń 46-sy - qyzdar men jas áıelder, taǵy 110-y zardap shekti», - dep habarlady Twitter-de.
Buǵan deıin habarlanǵandaı, juma kúni tańerteń Kabýldyń batysyndaǵy bilim ortalyǵynda stýdentter emtıhanǵa daıyndalyp jatqan kezde jankeshti ózin jaryp jibergen.
Ázirge lańkestik shabýyldy eshkim moınyna alǵan joq.
Foto: Sınhýa
