Kabýldaǵy meshitke jasalǵan shabýyl kezinde 14 adam mert boldy

ASTANA. QazAqparat - Terrorıster meshitke jınalǵandarǵa qarsy oq atty. Sondaı-aq olardyń biri jankeshtiniń belbeýin iske qosty, dep habarlaıdy QazAqparat TASS agenttigine silteme jasap.

Aýǵanstan astanasyndaǵy sheıitterdiń meshitine jasalǵan shabýyl kezinde 14 adam mert bolyp, 30-dan astam adam jaraqat aldy.

Polıtsııa formasyn kıip alyp, muzdaı qarýlanǵan úsh adam ımam Álı meshitine basyp kirip, ondaǵy jamaǵatqa oq ata bastaǵan. Shabýyldaýshylardyń biri azdaǵan ýaqyttan soń jarylǵysh zat salynǵan belbeýin jaryp jiberdi.

Khaama Press agenttiginiń málimdeýinshe, shabýyldaýshylardyń birin arnaıy qyzmet ókilderi atyp tastady. Ekinshisi izin jasyryp úlgerdi.

Aýǵanstan aımaǵyndaǵy birde bir terrorıstik uıym osy áreketti moıyndaryna almady.