Kabýldaǵy eki jarylystan 21 adam qaza tapty
ASTANA. QazAqparat - Aýǵanstan astanasy Kabýlda bolǵan eki jarylystan kem degende 21 adam kóz jumdy. Ondaǵan adam jaraqat aldy, dep habarlaıdy Bı-bı-sı.
Jarylys el parlamentiniń ǵımaratynyń mańynda jumysshylar shyǵyp bara jatqan kezde bolǵan. Zardap shegýshilerdiń kóbi azamattyq tulǵalar.
El bıligi habarlaǵandaı, birinshi jarylysty qaskúnem ózin-ózi jaryp uıymdastyrsa, ekinshini - avtomobılde jasyrylǵan bombanyń kómegimen jasaǵan.
Shabýyldy «Talıban» sodyrlary óz jaýapkershilikterine aldy. Qozǵalys ókilderi málimdegendeı, olardyń maqsattary eldiń barlaý agenttigi qyzmetkerlerin qurtý bolǵan.
