Kabýlda jarylys saldarynan prezıdenttiń eki kúzetshisi men 4 beıbit turǵyn qaza tapty
ASTANA. QazAqparat - Aýǵanstan astanasy Kabýlda Islam memleketi lańkestik uıymy jasaǵan terakt saldarynan 6 adam kóz jumdy, dep habarlaıdy Lenta.rý.
Mototsıklge mingen jankeshti kepteliste turǵan shaǵyn avtobýsqa baryp jarylady. Avtobýs ishinde memlekettik qyzmetkerlerdiń qaýipsizdigin qamtamasyz etetin arnaıy qyzmet adamdary otyrǵan. Jarylys saldarynan avtobýsqa zaqym keldi, qasynda turǵan kólik tutastaı janyp ketti. Arnaıy qyzmettiń eki adamy men 4 beıbit turǵyn kóz jumdy. 13 adam jaraqat aldy, dep habarlaıdy Reuters.
Islam memleketi jarylysqa qatysty jaýapkershilikti óz moınyna aldy.
