Kabýlda jarylys saldarynan 60-tan astam adam kóz jumdy
ASTANA. QazAqparat - Aýǵanstan astanasy Kabýlda jarylys saldarynan qaza tapqandar sany 60-tan asty, al 207 adam túrli dárejedegi jaraqat alǵan, dep habarlaıdy RIA Novostı.
Belgili bolǵandaı, Kabýlda elektr taratý jelisiniń qurylysyna qarsy ereýil kezinde eki iri jarylys bolǵan.
Jergilikti bıliktiń habarlaýynsha, shabýyldy 3 lańkes uıymdastyrmaq bolǵan. Alaıda biriniń jarylǵyshy iske qosylmaı qalady. Al úshinshisin kúsh qurylymdary atyp óltirgen. Reıter agenttigi jarylys úshin jaýapkershilikti «Islam memleketi» lańkestik toby moınyna aldy dep habarlaýda.
