Kabýlda jarylys saldarynan 21 adam qaza tapty
ASTANA. 18 jeltoqsan. QazAqparat - Sońǵy málimetterge sáıkes Kabýldaǵy Lıvan meıramhanasynda jarylys saldarynan 21 adam qaza tapty. Mert bolǵandar qatarynda BUU-nyń tórt qyzmetker men Halyqaralyq valıýta qorynyń Aýǵanstandaǵy turaqty ókili bar, dep habarlady VVS.
Polıtsııa málimetterine qaraǵanda, sheteldikter men úkimettik sheneýnikter jıi bas qosatyn meıramhana esiginiń aldynda jankeshti jarylǵysh qurylǵyny iske qosqan. Osydan keıin meıramhanaǵa basa-kókteı kirgen 2 sodyr oq jaýdyrǵan. Degenmen olardy qaýipsizdik qyzmeti ókilderi atyp óltirdi.
Shabýyl barysynda 8 aýǵanstandyq, sonymen qatar Kanada, Reseı, Lıvan jáne Ulybrıtanııa azamattary qaza tapty. Bul qandy oqıǵany tálipter óz moınyna alyp otyr.
