Kabýlda jankeshti ózin-ózi jaryp jiberip, 12 adam kóz jumdy
ASTANA. QazAqparat - Aýǵanstan astanasy Kabýldyń batys bóliginde jankeshti ózin-ózi jaryp jiberdi. Terakti saldarynan kem degende 12 adam qaza taýyp, taǵy 10-y jaraqat aldy, dep habarlaıdy Reuters eldiń ishki ister mınıstrligi ókiline silteme jasap.
Oqıǵa Aýǵanstan úkimeti basshysynyń orynbasary Mohammad Mohakıktiń (Mohammad Mohaqiq) úıine jaqyn jerde, sheıitter kóp qonystanǵan aýdanda bolǵan. Polıtsııa lańkestiń ne sebepti shabýyl jasaǵanyn polıtsııa naqty aıta almaı otyr. Ázirge birde-bir uıym bolǵan oqıǵaǵa qatysty jaýapkershilikti moınyna alǵan joq.
Aıta keteıik, 2017 jyldyń birinshi jartyjyldyǵynda 1662 beıbit turǵyn terrorısterdiń qurbanyna aınaldy.
