Kabýlda tálipter alty sheteldikti óltirdi
ASTANA. Qazannyń 28-i. QazAqparat - Kabýldaǵy BUU mıssııasynyń úıine sodyrlardyń shabýyl jasaýy saldarynan alty sheteldik qaza tapty jáne taǵy beseýi jaraqat aldy,
dep habarlaıdy QazAqparat AFP saıtyna silteme jasap.
Lańkester sársenbi kúni tańerteń Kabýldaǵy BUU ókildiginiń úıine basyp kirdi. Keıbir derekter boıynsha mıssııada sol sátte 20 adam bolǵan. Úıdi basyp alý jaýapkershiligin «Talıban» qozǵalysy moınyna aldy. Muny olar aldaǵy qarashanyń 7-sinde Aýǵanstanda ótetin prezıdenttik saılaýdyń ekinshi týryna qarsy jasalǵan aktsııanyń «alǵashqy qadamy» dep jarııalady.
Shabýyl jasalǵannan keıin polıtsııa úıdi qorshap, baqylaýǵa aldy. Bıliktiń aıtýynsha, shabýyl jasaǵan sodyrlar joıylǵan.
