Kabýlda taǵy jarylys boldy
KABÝL. QazAqparat – Aýǵanstan astanasyndaǵy Kabýl áýejaıynyń mańynda jarylys boldy. Bul týraly QazAqparat VVS agenttigine silteme jasap habarlaıdy.
Jergilikti BAQ-tyń habarlaýyna qaraǵanda, áleýmettik jelide jaralystan týyndaǵan qara tútinniń kókke qalaı kóterilgenin kórsetetin beıneler taraǵan. Densaýlyq saqtaý mınıstrliginiń qyzmetkeri BAQ ókilderine qalada jarylys bolǵanyn rastady.
Zardap shekkender men oqıǵanyń sebepteri týraly áli naqty aqparat joq. VVS agenttigi Densaýlyq saqtaý mınıstrliginiń deregine súıenip, jarylys zymyran dúmpýinen týyndady degen boljam jasap otyr.
Zymyran áýejaıdyń janyndaǵy úıge túsken. Biraq áýejaıǵa qaýipti áseri bolmaǵan.
Reıter agenttigi AQSh-tyń resmı adamdaryna silteme jasap, zymyrandy AQSh áskerı kúshteri tastady degen aqparat taratty.
Al Associated Press agenttigi amerıkalyqtar zymyrandy Kabýl áýejaıyna ózin jaryp jiberý úshin kirmek bolǵan adamnyń kóligine tastaǵanyn jazyp jatyr.
Eske salsaq, osydan 3 kún buryn Kabýl áýejaıynyń ǵımaratynda jarylys bolǵan edi.
«Biz Kabýl áýejaıy mańyndaǵy jarylysty rastaı alamyz. Qazirgi ýaqytta qurban bolǵandar sany belgisiz. Biz qosymsha habarlaımyz», - dedi Pentagon ókili Djon Kırbı Tvıtterde.
