Kabýlda Naýryz meıramyn toılaý bastaldy
ASTANA. QazAqparat - Aýǵanstan astanasy Kabýlda Naýryz meıramyn toılaý bastalyp, qala turǵyndarynyń birqatary shahardaǵy Sahı ǵıbadathanasynyń aldyna jıyldy. Munda túrli sharalar uıymdastyrylyp, dastarhan jaıyldy, dep habarlaıdy «Habar 24».
Biraq qala bıligi bıyl qasıetti orynnyń aldyndaǵy merekelik sharaǵa qatysqan adamnyń qarasy ótken jylǵa qaraǵanda az deıdi. Sebebi lańkestik áreketter kóbeıgendikten adamdar úreıli.
Sonymen qatar, «Talıban» qozǵalysynyń da áseri bar. Óıtkeni ótken ǵasyrdyń sońynda eldi bılegen tálipter turǵyndardyń Naýryz meıramyn toılaýyna tyıym salǵan bolatyn.
