Kabýlda qaza bolǵan Jampeıisovtiń denesi elge QR SІM-niń esebinen jetkiziledi
ASTANA. QazAqparat - Kabýlda sodyrlardyń shabýyly saldarynan qaza bolǵan Erlan Jampeıisovtiń denesi Otanyna QR Syrtqy ister mınıstrliginiń esebinen jetkiziledi, dep habarlaıdy QazAqparat elorda.info saıtyna silteme jasap.
QR syrtqy saıasat vedomstvosy baspasóz qyzmetiniń basshysy Ánýar Jaınaqov málim etkendeı, Erlan Jampeıisovtiń múrdesin tasymaldaý máselesi Kabýldaǵy qazaqstandyq dıplomattardyń kúsh-jigerimen sheshildi.
«Onyń denesi Qazaqstanǵa QR Syrtqy ister mınıstrliginiń esebinen aldaǵy taıaý kúnderi jetkiziletin bolady», - dep atap ótti Á.Jaınaqov.
Eske salaıyq, Aýǵanstannyń Kabýl qalasyndaǵy «Intercontinental» qonaqúıine jasalǵan shabýyl saldarynan issaparda júrgen Qazaqstan azamaty ajal qushty. 1978 jyly týǵan Erlan Jampeıisov bıznesmen bolǵan jáne Astana qalasynda turǵan. Kabýlǵa telekommýnıkatsııa salasynda jumys atqaratyn aýǵan kompanııalarynyń biriniń shaqyrýymen barǵan.
