Kabýlda Aýǵanstan vıtse-prezıdentine qastandyq jasaldy
NUR-SULTAN. QazAqparat – Kabýl qalasynda Aýǵanstannyń birinshi vıtse-prezıdenti Amrýlla Salehqa qastandyq jasaldy, dep habarlaıdy QazAqparat Tolo News telearnasyna silteme jasap.
Sársenbi kúni tańerteń aýǵan astanasynda bolǵan jarylystan úsh adam qaza tapty, joǵary laýazymdy sheneýnik zardap shekken joq.
Vıtse-prezıdenttiń ókili Salehtiń qaraýyl jasaǵyna shabýyl jasaý saldarynan onyń úsh oqqaǵary zardap shekkenin, sheneýniktiń ózi bolsa, din aman ekenin habarlady.
Telearnanyń málimetinshe, lańkestik áreketten úsh adam qurban bolyp, 12 adam jaraqattanǵan.
