Kabýlda Aýǵanstan bas prokýrorynyń keńsesi mańynda jarylys boldy
NUR-SULTAN. QazAqparat – Sársenbi kúni Kabýl qalasyndaǵy bas prokýrordyń keńsesi mańaıynda qatty jarylys boldy. Bul týraly Aýǵanstannyń Ariana News telearnasy jarııalady, dep habarlaıdy QazAqparat.
Qolda bar málimet boıynsha, jarylys Darýl-Aman kóshesinde bolǵan. Jarylǵysh qurylǵy mototsıklge ornatylýy múmkin.
Jergilikti polıtsııa atalǵan aýdanda jarylys bolǵanyn rastady jáne oqıǵa saldarynan qurbandar bolýy múmkin ekenin joqqa shyǵarmady. Ázirge jarylystan zardap shekkender men qurbandar týraly naqty derekter joq.
