Kabýlda atys kezinde 30 adam qaza tapty
KABÝL. QazAqparat – Aýǵanstan astanasy Kabýl qalasynda terrorlyq aktiden 30 adam qaza tapty, dep habarlaıdy QazAqparat Euronews-ke silteme jasap.
Aýǵanstan Beıbitshilik joǵarǵy keńesiniń tóraǵasy Kárim Halılı sóz sóılegen jıynda belgisiz qarýly adamdar oq atqan. Jıynǵa eldiń premer-mınıstri Abdýlla Abdýlla qatysyp otyrǵan. Eki saıasatker de zardap shekpedi.
Kýágerlerdiń aıtýynsha, atys kezinde tártip saqshylary jınalǵandarǵa qarata oq shyǵarýǵa májbúr bolǵan. Saldarynan 80-nen astam adam jaraqat alǵan.
Keıin atysty bastaǵan eki adam salynyp bitpegen ǵımarattyń ishine jasyrynǵan. Bes saǵatqa sozylǵan shabýyl kezinde olardyń kózi joıyldy.
Jaqynda ǵana AQSh-pen beıbit kelisim jasaǵan «Talıban» qozǵalysynyń ókilderi, osy shabýylǵa esh qatysy joqtyǵyn málim etti.
Foto The Associated Press/Rahmat Gul
