Kabýl ýnıversıtetine ekstremıster shabýyl jasap, 20 adam mert boldy
NUR-SULTAN. QazAqparat – Kabýl qalasyndaǵy ýnıversıtetke qarýly top shabýyl jasap, saldarynan 20 adam qaza tapty, taǵy 15 azamat jaraqat aldy, dep habarlaıdy QazAqparat kaatarlyq Al Jazeera telearnasyna silteme jasap.
Zardap shekken jáne jaralanǵan azamattardyń bári – ýnıversıtet stýdentteri.
Munyń aldynda Kabýldaǵy ýnıversıtet mańynda jarylys bolǵan, keıin qarýly top oqý ornynyń zań fakýlteti janynda atys bastady. Sol ýaqytta ol mańda kitap kórmesiniń ashylý saltanaty bolyp, oǵan Iran ókilderi qatysyp jatqan bolatyn.
Málimet boıynsha, ýnıversıtetke aýǵan arnaıy jasaǵy jiberilgen. Qaýipsizdik kúshi oqıǵa ornynan júzdegen adamdy evakýatsııalady.
Kabýldaǵy ýnıversıtetke shabýyl jasaǵan áskerılerdiń biriniń kózi joıyldy. Aýǵandyq Khaama Press agenttiginiń habarlaýynsha, oqý orny aýmaǵyna qarýly úsh adam shabýyl jasaǵan.
