Kabýl ortalyǵynda jarylys boldy

KABÝL. QazAqparat – Aýǵanstan astanasy Kabýl qalasynda joıqyn jarylys boldy. Tótenshe oqıǵa úkimet jáne elshilikter ǵımarattary ornalasqan «jasyl aımaqqa» kiretin aýdanda oryn aldy. Bul týraly QazAqparat Euronews-ke silteme jasap habarlaıdy.

Jarylys saldarynan kem degende on adam zardap shekken. El bıligi shabýyl maqsaty qorǵanys mınıstriniń mindetterin atqarýshy bolǵan dep málim etti.

Mına qoıylǵan kólik Bısmılla Mohammadı rezıdentsııasynyń janynda turǵan. Qazir sheneýnik pen otbasynyń qaýipsiz jerde ekeni habarlanyp otyr.

Shabýyldy bir de bir top óz moınyna alǵan joq.

Terakt talıbterdiń eldiń ońtústik jáne batys provıntsııalaryna shabýylyn kúsheıtkennen keıin bolǵan.

Sodyrlardyń el armııasymen teketiresi AQSh áskerin Aýǵanstan aýmaǵynan shyǵara bastaǵannan keıin kúsheıe tústi.