Kabýl ortalyǵynda jankeshti bir top beıbit turǵyndy jaryp jiberdi
KABÝL. QazAqparat - Dúısenbi kúni Aýǵanstan astanasy Kabýl ortalyǵynda Syrtqy ister mınıstrliginiń janynda jankeshti narazylyq aktsııasyna qatysyp jatqan bir top adamdy jaryp jiberdi, dep habarlaıdy «QazAqparat» HAA Ufuq News Agency prezıdenti Mohammad Mahdı Nýrıge silteme jasap.
TOLONews agenttiginiń habarlaýynsha, jarylys Prezıdent saraıyna jaqyn mańda, jergilikti ýaqytpen 13:30-da bolǵan.
Aýǵanstan Іshki ister mınıstrliginiń málimdeýinshe, jankeshti lańkes jergilikti polıtsııa ókilderi baıqap qalǵan sátte ózin-ózi jaryp jibergen. Sońǵy derekterge qaraǵanda, kem degende 10 adam qaza taýyp, odan kóbirek adam jaralanǵan.
Dúısenbi kúni Ǵaznı jáne Ýrýzgan provıntsııalarynda tálipter qaýpiniń artyp bara jatqanyna narazylyq bildire júzdegen adam Pashtýnıstan alańyna jınalǵan.
Jarylysqa qatysty resmı málimdemeler bolǵan joq, biraq TOLOnews taratqan fotosýretterden biraz jaıttyń beti ashylady.
