Kabýl áýejaıynyń mańynda jarylys boldy

KABÝL. QazAqparat – Kabýl áýejaıynyń ǵımaratynda jarylys boldy, dep habarlaıdy QazAqparat AQSh qorǵanys mınıstrliginiń resmı ókiline silteme jasap.

Pentagon baspasóz hatshysy Djon Kırbı Kabýl áýejaıy mańynda jarylys bolǵanyn rastady. Qurban bolǵandar bar-joǵy ázirge belgisiz. Sońǵy kúnderi áýejaı mańyna Aýǵanstannan ushyp jatqan evakýatsııalyq reısterge otyrý úshin myńdaǵan adam jınalyp jatyr.

26 tamyzda AQSh, Ulybrıtanııa men Aýstralııa Kabýl áýejaıynyń shabýylǵa ushyraýy múmkin ekeni týraly óz azamattaryna eskertken.

«Biz Kabýl áýejaıy mańyndaǵy jarylysty rastaı alamyz. Qazirgi ýaqytta qurban bolǵandar sany belgisiz. Biz qosymsha habarlaımyz», - dedi Pentagon ókili Djon Kırbı Tvıtterde.

Aldyn ala derek boıynsha, jarylys Abbeı qaqpasynyń aldynda bolǵan.

Avtory: Arsen Óteshev

Foto: Foto: CNN, twitter.com/HananyaNaftali, twitter.com/BuckSexton,twitter.com/sudhirchaudhary