Kabýl áýejaıyndaǵy atystan keıin órt shyqty

KABÝL. QazAqparat - Dúısenbi kúni bolǵan atystan keıin Aýǵanstan astanasy Kabýldaǵy halyqaralyq áýejaıda órt shyqty. Bul týraly Asharq Al-Awsat basylymy gazeti jazdy, dep habarlaıdy QazAqparat.

Gazettiń derekterine qaraǵanda, Kabýl áýejaıyndaǵy órt AQSh áskerı qyzmetshileri men belgisiz adamdar arasyndaǵy atystan keıin bastalǵan. Órt pen onyń saldarynan áýejaıǵa kelgen shyǵyn týraly tolyq aqparat berilmegen.

Budan buryn AQSh armııasynyń ortalyq qolbasshylyǵynyń ókili Ýılıam Ýrban dúısenbi kúni tańerteń Kabýl áýejaıynda bolǵan atystan AQSh pen koalıtsııa áskeri zardap shekpegenin málim etken. Onyń aıtýynsha, «Hamıd Karzaı halyqaralyq áýejaıynyń soltústik qaqpasynda bolǵan qaqtyǵys saldarynan AQSh áskeri nemese koalıtsııa zardap shekpegen. Dushpandyq nıettegi belgisiz bireý áýejaıǵa kirýdi baqylaıtyn aýǵan qaýipsizdik kúshterine oq atqan.

Ýrbannyń sózine qaraǵanda, oqıǵa saldarynan «aýǵan kúshteriniń bir ókili qaza taýyp, taǵy birnesheýi jaralanǵan. Olarǵa medıtsınalyq kómek kórsetilýde, zardap shekkenderdiń jaǵdaıy turaqty.