Qabyrǵaǵa jabystyrylǵan banan 6,2 mıllıon dollarǵa satyldy

ASTANA. KAZINFORM - Sotheby's aýktsıon úıi qabyrǵaǵa jabystyrylǵan banannan turatyn óner týyndysy sársenbi kúni aýktsıonda krıptokásipker Djastın Sanǵa 6,2 mıllıon dollarǵa satylǵanyn habarlady, dep jazady Reuters.

Italııalyq sýretshi Maýrıtsıo Kattelannyń «Komedıan» týyndysy alǵash ret 2019 jyly Art Basel Maıamıde debıýt jasaǵan kezde óner álemin tań qaldyrdy.

Sársenbi kúni Nıý-Iorktegi Sotheby's aýktsıonyna túskennen keıin bes mınýttyń ishinde bastapqy baǵa 800 000 dollardan 5,2 mıllıon dollarǵa deıin kóterildi. Bul somaǵa satyp alýshynyń syılyqaqysy (komıssııa) da qosyldy.

Sotheby's málimeti boıynsha, sońǵy baǵa aldyn ala boljanǵan 1,5 mıllıon dollardan aıtarlyqtaı asyp tústi.

Jumysty qytaılyq kollektsıoner jáne Tron platformasynyń negizin qalaýshy Djastın San satyp alǵan.

Artnet.com saıtynyń habarlaýynsha, jemis buzylyp ketken jaǵdaıda, satyp alýshy banandy ózi aýystyryp alady.

«Bul jaı ǵana óner týyndysy emes. Bul óner álemderin, memder men krıptovalıýta qaýymdastyǵyn baılanystyratyn mádenı fenomen bolady. Bul jumys bolashaqta jańasha oılaý men pikirtalas týdyryp, tarıhtyń bir bóligine aınalady dep oılaımyn»,- dedi San.

Buǵan deıin belgııalyq sıýrrealıst-sýretshi Rene Magrıtttiń 1954 jyly salǵan «Jaryq ımperııasy» kartınasy Christie's aýktsıonynda rekordtyq baǵa - 121,2 mıllıon dollarǵa satylǵany habarlaǵan bolatyn.

Osyǵan deıin Ispanııa mıgratsııalyq saıasat reformasyn maquldaǵanyn jazdyq.