Kabınetten qýyp shyqty: Jastar qozǵalysy Baıqońyr aýdany ákiminiń ústinen shaǵymdandy
Astanadaǵy shaǵyn problemalardyń jıyntyqtap, júıeli túrde sheshý úshin túrli aktsııalar ótkizip júrgen «Jańa adamdar» jastar qozǵalysyny eblsendileri osydan bir aı buryn qala ákimi Jeńis Qasymbekpen kezdesken bolatyn.
Sol kezde jaıaý júrginshilerge arnalǵan troýar problemasyn túbegeıli sheshý úshin aýdan ákimderine jastarmen tyǵyz baılanysta jumys isteýdi tapsyrǵan.
Trotýar máselesin birjola sheshýge qosymsha qarjy bólýge daıyn ekenin aıtqan qala basshylyǵy aýdan ákimderin apta saıyn qozǵalys belsendilerine istelip jatqan jumys týraly esep berýge mindettegen.
«Bizdiń belsendiler ákimderden istelip jatqan jumys týraly aqparat alýǵa baryn saldy. Aqyry «Qala» azamattyq aktsııasynyń jetekshisi Arlen Tańatuly Baıqońyr aýdanynyń ákimi Erlan Jaýlybaevpen 12 shilde kúni kezdesýge shaqyrtý alǵan. Biraq kezdesý kezinde aýdan ákimi belsendini túrli organdarǵa siltep, odan túk shyqpaǵasyn kabınetten shyǵýyn talap etken. Kameranyń aldynda bizben bulaısha dóreki sóılesken Erlan Jaýlybaevtyń qarapaıym halyqpan qalaı sóılesetinin elestetýdiń ózi qıyn», - deıdi qozǵalys belsendisi.
Baıqońyr aýdany ákiminiń bul áreketine narazy belsendi áleýmettik jeli arqyly Jeńis Qasymbekke úndeý tastap otyr.
Beıneúndeýde ol Astana ákiminen qol astyndaǵy aýdan ákiminiń áreketine nazar aýdarýdy suraǵan.
