Kabınetinde oqqa ushqan polkovnıktiń qazasyna baılanysty sot bastaldy
TALDYQORǴAN. QazAqparat - Taldyqorǵandaǵy Almaty oblystyq qorǵanys isteri jónindegi departament basshysy bolǵan Berdibek Beristemovti kabınetinde atqan orynbasary Asqar Ospanov QR QK 101 baby birinshi bóligi boıynsha aıyptalýda, dep habarlaıdy QazAqparat tilshisi.
Búgin alǵashqy sot otyrysy qaladaǵy áskerı sot ǵımaratynda ótti. Protsess barysynda aıyptaýshy tarap kúdiktige Qazaqstan Respýblıkasy Qylmystyq kodeksiniń 101 baby birinshi bólimi boıynsha qatty kúızeliske ushyraǵan kúıde kisi óltirdi degen aıyp taǵyp otyr.
«Ospanov affekti jaǵdaıynda Ij-58 markaly, 16-shy kolıbrli, uńǵyly ańshy myltyǵyn qabynan alyp, qarsy turǵan Beristemovtiń keýde tusynan bir ret atqan. Atylǵan oqtyń saldarynan Beristemov jerge qulap, esin jımastan oqıǵa ornynda qaza boldy», - dedi Taldyqorǵan áskerı garnızony prokýrorynyń orynbasary Alııarhan Rústembaev.
Esterińizge sala keteıik, bul oqıǵa bıyl naýryzdyń 31-de Almaty oblystyq qorǵanys isteri jónindegi departamentinde boldy. Basshy bolǵan 1966 jylǵy Beristemovti óziniń 1971 jylǵy orynbasary atyp óltirgen. Mert bolǵan azamat Ońtústik Qazaqstan oblysynyń týmasy, al oǵan oq atqan kúdikti A. Ospanov Almaty oblysynda dúnıe kelgen.
