Qabyǵy ǵana emes, jumsaǵy da qyzyl: Nedzvetskıı almasy nesimen erekshe
ASTANA. KAZINFORM — Nedzvetskıı almasy bir qaraǵanda — kádimgi jabaıy alma. Biraq jemisin kesip kórseńiz, aıyrmashylyǵy birden baıqalady, dep habarlaıdy ekologııa jáne tabıǵı resýrstar mınıstrliginiń baspasóz qyzmeti.
Nedzvetskıı almasynyń qyzyl reńki tek qabyǵynda emes, jumsaǵynda da bolady.
Gúldegen kezde de aǵash erekshe kórinedi: gúlderi qyzǵylt-kúlgin túske boıalady.
Bul — tabıǵatta sırek kezdesetin jabaıy alma túrleriniń biri.
Onyń genetıkalyq qory jabaıy alma túrlerin jáne olardyń tabıǵı alýantúrliligin saqtaý úshin mańyzdy.
— Al mundaı aǵashty tabıǵattan kezdestirseńiz, jemisin jınap nemese butaǵyn syndyrýǵa asyqpaǵan jón. Nedzvetskıı almasy Qazaqstannyń Qyzyl kitabyna engizilgen. Kádimgi almaǵa uqsaıdy. Biraq bir kesseńiz — aıyrmashylyǵy kórinedi, — delingen mınıstrlik taratqan aqparatta.
Budan buryn 2027 jylǵa deıin aport alma baǵynyń kólemi 110 gektarǵa jetetini belgili boldy.
