Kabardıno-Balkarııanyń hırýrgteri 13 jastaǵy qyzdyń júreginen ıne alyp shyqty
ASTANA. QazAqparat - Kabardıno-Balkarııa (KBR) aýrýhanasynda hırýrgter on úsh jastay qyzdyń júreginen ıneni alyp shyqty. Naýqastyń jaǵdaıy turaqty, dárigerler jaqsy boljamdar jasap otyr, dep habarlady TASS respýblıkanyń densaýlyq saqtaý mınıstrliginiń baspasóz qyzmetine silteme jasap.
"KBR densaýlyq saqtaý mınıstrliginiń respýblıkalyq klınıkalyq aýrýhanasynda hırýrgter júrek qaby qýysynan - júrek «sómkesinen» ıneni sýyryp aldy. Patsıent 13 jasta, ol keýde tusynyń aýyratyndyǵyna shaǵymdanǵan", - dedi baspasóz qyzmetinde.
Naýqas jáne onyń ata-anasynyń sózine qaraǵanda, tósekte jatqan ıne qyzǵa kirip ketken. Keýde qýysyna júrgizilgen kompıýterlik zertteý nátıjesinde ıne júrek qaby qýysynda bolǵany anyqtaldy.
"Ata-anasyna otanyń kúrdeli jáne qaýiptiń joǵary ekeni túsindirildi. Olar ota jasaýǵa kelisimin berdi", - dep atap ótti baspasóz qyzmetinde. Nátıjesinde ota sátti ótti.
"Jaǵdaıy turaqty, qyz jansaqtaý bóliminde jatyr. Ony reanımatolog-dárigerler baqylaýda", - dedi densaýlyq saqtaý mınıstrliginde.
