Kabardın-Balqarııadaǵy qar kóshkininen qaza tapqan alpınıster sany 15-ke jetti
MÁSKEÝ.KAZINFORM - Kabardın-Balqarııadaǵy Bezengı shatqalynda qar kóshkininen qaza tapqandar sany 15 adamǵa jetti. Qutqarýshylar taǵy bir alpınıstiń denesin tapty, dep habarlaıdy agenttik tilshisi Reseı TJM óńirlik bas basqarmasynyń baspasóz qyzmetine silteme jasap.
Tabylǵan alpınıstiń denesi tikushaqpen Nalchıkke jetkizilip, quqyq qorǵaý organdaryna tapsyryldy.
Taǵy eki alpınıstiń taǵdyry ázirge belgisiz. 10 qyrkúıekte izdeý-qutqarý jumystary aýa raıynyń nasharlaýyna jáne qar-muz massasynyń qaıta syrǵý qaýpine baılanysty toqtatyldy. Qutqarýshylar izdeý jumystaryn 11 qyrkúıekte jalǵastyrady.
6 qyrkúıekte Mıjırgı taýynyń baýraıynan túsken qar kóshkini Bezengı shatqalynda 33 alpınısten turatyn topty basyp qalǵan. TJM málimetinshe, 10 adam ózdiginen shyǵyp, taǵy alty adam jaraqat alyp, aýrýhanaǵa jetkizildi.
Buǵan deıin Kabardın-Balqarııanyń Bezengı shatqalynda qar kóshkini alpınıster tobyn basyp qalǵany habarlanǵan bolatyn.
