KABAR: Qyrǵyzstandaǵy referendýmda saılaýshylardyń 33% daýys berdi

BІShKEK. KABAR-QazAqparat – Qyrǵyzstanda referendým ótti dep esepteýge bolady. Saılaýshylardyń 33% daýys berdi, dep habarlady búgin Qyrǵyzstannyń «Kabar» agenttigi.

Agenttik taratqan aqparatqa qaraǵanda, saǵat 18:00-ge qarata saılaýshylardyń 33% referendýmda daýys berdi. Bul týraly Bishkekten Ortalyq saılaý komıssııasynyń tóraǵasy Nurjan Shaıldabekova málim etti.

Onyń sózinshe, basqarý formasyn anyqtaý boıynsha referendýmda 1 mln 178 myń 656 azamat daýys berdi.

Talap boıynsha, jalpy saılaýshylardyń 30%-dan astamy daýys berse, referendým ótti dep tanylady.

Aımaqtar boıynsha, alǵanda Bishkekte 131 myń 35, Osh qalasynda 56 myń 659, Jalal-Abad oblysynda 224 myń 10, Ystyq-Kól oblysynda 120 myń 319, Naryn oblysynda 73 myń 478, Osh oblysynda 245 myń 559, Talas oblysynda 49 myń 412, Shý oblysynda 167 myń 266, Batken oblysynda 101 myń 49 jáne shet aımaqtarda 9 myńń 869 adam daýys berdi.

Aıta keteıik, prezıdenttık saılaý men referendýmǵa 3 mln 563 myń 574 adam katysa alady.