Qabanǵa uqsaıtyn shala týǵan qozy jurtty tańǵaldyrdy - Qostanaı oblysy
QOSTANAI. QazAqparat - Jangeldın aýdanynyń turǵyny Aqpan Dosanovtyń baǵyp otyrǵan bir qoıy jabaıy ańǵa uqsaıtyn qozy týǵan, dep habarlaıdy QazAqparat.
Təýish aýylynyń turǵyny Aqpan Dosanov bolǵan jaıdy agenttik tilshisine aıtyp berdi.
«9 sáýir kúni qorada turǵan qoı ish tastapty. Óli týǵan qozy qoıdyń tóline esh uqsamaıdy. Astyńǵy ıegi qabanǵa keledi. Bul oqıǵany jarııalap, eldi dúrliktirgimiz kelmedi. Biraq, úıdegi nemereler sýretke túsirip, jelilerge taratyp jiberipti. Biz muny keıin bildik», - deıdi Aqpan Dosanov.
Qostanaılyq mal dárigeri Alekseı Tonevtiń aıtýynsha, jabaıy shoshqa tektes tólder kóptep kezdesedi. Alaıda, sharýalar mundaı jaıttardy jarııalaı bermeıdi.
«Ań tektes qozyǵa bola baıbalam salýdyń qajeti joq. Mundaı jaǵdaılar qala irgesindegi aýyldarda da kezdesken. Sondyqtan muny tóldiń shala týǵany dep qana qabyldaý qajet», - deıdi mal dərigeri.
