Qabanǵa mingesip qashqan maımyldar týraly beınejazba YouTube-ta top jardy - VIDEO
ASTANA. QazAqparat - Youtube áleýmettik jelisinde ańshylardan qabanǵa minip qashqan maımyldar týraly beıne jazba paıda boldy. Jeliniń juldyzyna aınalǵan maımyldardy apta ishinde bir mıllıonǵa jýyq adam tamashalaǵan.
Meshinder jeıtin azyq izdep júrip, jaqyn mańdaǵy jergilikti taıpanyń turǵylyqty mekenine baıqamaı baryp qalsa kerek. Áıtpese, bir top aborıgenniń ol maımyldardy qýýyna esh sebep joq. Jergilikti ańshylar qýa jónelgende maımyldar jaqyn mańda júrgen qabanǵa otyryp alyp, tymtyraqaı qashady. Eń qyzyǵy, júgirip bara jatyp qabannan qulap qalsa da, sekirip qaıta minip shaba jóneledi. Osy kezde álgi maımyl at qulaǵynda oınaıtyn shabandozdy eske túsiredi.
Beıne jazbany túsirgen jáne YouTube jelisine salǵan avtordyń esimi belgisiz. Tek,onyń avtory «Ustatpaıtyn kekshilder» (Neýlovımye mstıtelı) fılminiń saýndtregin qosyp, jazbany komedııa janrynda árlep qoıǵan. Atalǵan vıdeony salǵannan ber bir apta ǵana ótse de, ony 945 615 adam kóripti.
Juldyzǵa aınalǵan maımyldarǵa qatysty jeliniń qoldanýshylarynyń pikiri ártúrli. Bireýler olardy aqyldy haıýan dese, endi biri tsırkte úıretilgen dep otyr.
